ច្បាស់ហើយ! ស្មាតហ្វូនដែលអាចបត់បានរបស់ក្រុមហ៊ុន Samsung នឹងត្រូវចាប់ផ្ដើមផលិតនាកំឡុងខែវិច្ឆិកា ឆ្នាំនេះ

ជាច្រើនខែមកហើយដែលក្រុមហ៊ុន Samsung តែងប្រកាសក្ដែងៗថា ពួកគេនឹងធ្វើការប្រកាសទាក់ទងទៅនឹងស្មាតហ្វូនដែលអាចបត់បាន។ រហូតមកដល់ពេលនេះ យើងទទួលបានពត៌មានជាក់លាក់ទាក់ទងទៅនឹងកាលបរិច្ឆេតនៃការផលិតហើយ ឯក្រុមហ៊ុន Samsung ក៏បានត្រៀមខ្លួនរួចជាស្រេចដូចគ្នាសម្រាប់ការផលិត។

សម្រាប់ឈ្មោះដែលក្រុមហ៊ុន Samsung គ្រោងនឹងប្រើប្រាស់សម្រាប់ត្រកូលស្មាតហ្វូនដែលអាចបត់បាននេះគឺ Galaxy X។ មិនតែប៉ុណ្ណោះ កាលពីព្រឹត្តិការណ៍ CES 2018 កន្លងទៅនេះ ពត៌មានដែលទាក់ទងទៅនឹងត្រកូលស្មាតហ្វូនថ្មី Galaxy X ក៏ទទួលបានការចាប់អារម្មណ៍មិនស្ទើរដែរ។ លើសពីនេះទៅទៀត ស្មាតហ្វូននេះត្រូវបានគេជឿថានឹងអាចបត់ទៅមុខ រឺទៅក្រោយបានតាមចិត្តទៀតផង។
គួរបញ្ជាក់ផងដែរថា Galaxy X នឹងត្រូវបានបំពាក់ដោយអេក្រង់ប្រភេទ OLED ទំហំ 7.3អ៊ីញ និងដំណើរការដោយប្រព័ន្ធ Android ដដែល។ សម្រាប់ពត៌មានផ្សេងៗទៀតទាក់ទងទៅនឹងលក្ខណៈពិសេស និងអ្វីដែលស្មាតហ្វូននេះអាចធ្វើបាន យើងនៅមិនដឹងនៅឡើយទេ។ប្រភពមកពីhttps://khmernotes.com/news/30321