កាលពីពេលថ្មីៗនេះ ក្រុមហ៊ុន Samsung បានប្រកាសទាក់ទងទៅនឹង Limited Edition នៃកំពូលស្មាតហ្វូន Galaxy Note 8 របស់ខ្លួន ដែលមានឈ្មោះថា PyeongChang 2018។ ដោយឡែក ទាក់ទងទៅនឹង Note 8 PyeongChang 2018 នេះដែរត្រូវបានរចនាឡើងដើម្បីអបអរដល់កីឡាអូឡាំពិក។
គួរបញ្ជាក់ផងដែរថា Galaxy Note 8 Limited Edition នេះត្រូវបានចេញលក់ក្នុងចំនួនកំណត់មួយ ពោលគឺបើអ្នកទិញមិនទាន់គឺអស់ហើយ។ មិនតែប៉ុណ្ណោះ ក្នុងម៉ូដែលនេះក៏មានភ្ជាប់មកជាមួយនឹង Wallpaper, Theme ពណ៌ និងអ្វីៗជាច្រើនទៀតដែលទាក់ទងទៅនឹងកីឡាអូឡាំពិកផងដែរ។
ក្រៅពីនេះ រាល់មុខងារ និងលក្ខណៈពិសេសគឺត្រូវបានរក្សាដដែលដោយមានអេក្រង់ទំហំ 6.3អ៊ីញ ប្រភេទ Super AMOLED ក្នុងកម្រឹតបង្ហាញរូបភាព Quad HD+ 2960 x 1440 pixels ជាមួយនឹងបន្ទះឈីបប្រភេទ Snapdragon 835 និងទំហំ RAM 6GB។ សម្រាប់ទំហំអង្គផ្ទុកទិន្នន័យ អ្នកអាចជ្រើសរើសបានជាមួយនឹងជម្រើស 64GB រឺ 256GB ហើយលោកអ្នកក៏អាចដាក់បន្ថែម Memory Card បានផងដែរ។ ចំពោះកាមេរ៉ាមុខគឺមានទំហំ 8MP និងកាមេរ៉ាភ្លោះនាផ្នែកខាងក្រោយមានទំហំ 12MP ដូចគ្នា។
ប្រសិនបើអ្នកស្រលាញ់ម៉ូដែល Limited នេះ អាចរកទិញបានតាមរយៈ Link នេះ។ប្រភពមកពីhttps://khmernotes.com/news/30450
0 comments:
Post a Comment